الالتحاق بمنحة ال ITI

ITI 9-month Diploma

منحة الاى تى اى للخريجين



اولا هى ايه :

هى عبارة عن منحة دراسية مدتها 9 شهور مقدمة من وزارة الاتصالات بالتعاون مع معهد تكنولوجيا المعلومات ITI


ايه هو الهدف منها:

اعداد خريجى تكنولوجيا المعلومات قادرين على المنافسة عالميا

يعنى هى خاصة بتكنولوجيا المعلومات وملهاش فى المجالات الادارية يعنى مثلا مفيهاش تخصص ادارة

يعنى اللى شايف نفسه بيحب الكمبيوتر لدرجه يبقى هو كمبيوتر وحياته كمبيوتر وشغله كمبيوتر يقدم عليها



ايه هو شروطها:

1 خريج احد الجامعات او المعاهد المصرية المعترف بيها كشهادة عليا وان يكون خريج اخر ثلاث سنوات(أي خريج حديث يستطيع أن يلتحق بها شريطة ألا يمر علي تخرجه أكثر من ثلاث سنوات.)وبالنسبة للشباب لو دخلت جيش وفاتك فرصة التقديم ممكن يراعوا الموقف لو كان عدى سنة او سنتين

2 التقدير التراكمى لشهادة الكلية جيد على الاقل

3 تم تحديد موقف التجنيد بالنسبة للذكور

4 مصرى الجنسية



طب هى المنحة دى هتضيفلى ايه ( ايه اهميتها بالنسبة لى ):

المنحة دى كلها مميزات

1 افضل منحة فى مصر

2 بيتصرف عليك مبالغ كتييير اوى بلاش نقولها دلوقتى

3 بتاخد مرتب اثناء فترة الدراسة بالكامل

لو تقديرك التراكمى جيد هتاخد 800

لو جيد جدا 1000

لو امتياز 1400

يعنى بتتعلم وكمان بتاخد مرتب



4 هتستلم لاب توب وهيبقى بتاعك بعد لما تخلص ، هيتخصم تمنه من مرتبك يعنى هيتخصم مثلا 400 ج شهريا على مدار فترة الدراسة 9 شهور وانا بقولك اللاب توب دة مواصفاته عالية ولو حبيت تجيب زيه هتلاقيه اغلى من تمن التكلفة اللى بيتخصم منك وانت هتخده تقسيط على 9 شهور واللى عنده لاب مش لازم ياخد اللى هيستلمه بس بشرط ان المواصفات متقاربة وقادرة على الاداء اثناء الدراسة وفى الحالة دى هتاخد مرتبك كامل



نيجى للميزة الخامسة

مكانة علمية مرتفعة يعنى هتتعلم منها كتييير اوى ومش هتلاقيه فى اى مكان برة

وكمان فى اقسام مفيش خريجين منها الا

ITI

فقط ومفيش اى مكان فى مصر بيطلع الناس دى



نيجى للميزة السادسة واهم ميزة فيهم كلهم



الاى تى اى مش مجرد منحة او كورس

لا

دى دبلومة

يعنى دراسات عليا

يعنى لو حبيت تكمل ماجستير الاى تى اى بتأهلك انك تكمل ماجستير فى جامعة نوتينجهام انجلترا أو بادربون المانيا بالنسبة لقسم ميكاترونيكس



طيب بالنسبة لشهادة التوفل هقدمها امتى:

دى متشغلش بالك بيها دلوقتى ركز فى نجاح واجتياز الاختبارات والمقابلات الشخصية وان شاء الله بعد القبول تقدر تقدمها خلال فترة الدراسة



The Test of English as a Foreign Language (TOEFL) measures the ability of non-native speakers of English to use and understand North American English as it is spoken, written and heard in college and university settings.



If you need to take TOEFL Exam for a Scholarship or Post Graduate studies INSIDE EGYPT



There are many centers or places which do it



Like AMEDEAST - AUC - Cairo University (Faculty of Arts (آداب - قاهرة)) - Ain Shams Uni (Faculty of Arts (آداب عين شمس))



But

AUC is the best for local TOEFL

It costs around 135 L.E for exam



This link will help you in AUC LOCAL TOEFL exam



ARCO local TOEFL

http://www.4shared.com/file/APmfiq48/ARCO__AUC_local_toefl_.html





طيب هندرس ايه فى الدبلومة دى



اللينك دة هتلاقى فيه تفاصيل الدراسة وشروط كل قسم

http://www.iti.gov.eg/newiti/trainingprograms/training-9month.asp



ولو عايز تفاصيل اكتر عن اقسام الدراسة

http://www.iti.gov.eg/newiti/trainingprograms/platforms.asp



طب ازاى اقدم

التقديم على الموقع دة كل سنة بدأ من يوم 15/7 حتى يوم 31/8

http://www.iti.gov.eg/newiti/admission/selectionprocess.asp

http://www.iti.gov.eg/newiti/admission/admissionreq.asp



طيب ايه هى اختبارات للقبول وازاى نجهز نفسنا ليها

فى اختبارين IQ - English



طيب نجهز نفسينا ازاى عشان ننجح ونعدى من الاختبارات :
دة من خلال كذا طريق



اولا جروب التحضير للاى تى اى (ان شاء الله سيتم تحديد الميعاد والمكان لاحقا وغالبا سنبدأ من منتصف يونيو) وسيتم الاعلان عنه على جروب معا



ثانيا حضور محاضرات معا الخاصة بشرح الأى كيو



ثالثا نذاكر الماتريال الخاصة بالاى كيو والانجليش ومهارات الانترفيو وأنا حاولت ابعتها مرفقة بالميل لكن للاسف فى مشكلة فى الميل شكل الميل باظ من كتر الرسايل اللى بتجيله وبيبعتها :)



اللى محتاجها يبعتلى :)



بعد الاختبارات بتجيلك النتيجة على الاكونت اللى عملته فى بدايه التقديم على موقع الاى تى اى



ان شاء الله تنجح فى الاختبارات وتخش المرحلة اللى بعدها



المقابلات الشخصية هتبقى ازاى واجهزلها ازاى

فى الاساس انت هتعمل اتنين انترفيو:



1 مقابلة شخصية بالانجليزى ودى هدفها معرفة شخصيتك وتفكيرك ومستوى الانجليزى بتاعك



2 والمقابلة دى بتكون بالعربى ممكن تكون واحدة او اتنين او 3 مقابلات وبيسألك فيها عن معرفتك فى التخصص اللى هتقدم عليه (يعنى هدفها يعرف مستواك فى التخصص اللى هتقدم فيه ومدى معرفتك ودرايتك بيه )



بص انت ليك الحق انك تقدم فى 3 رغبات وتعمل انترفيو فى التلاتة واللى هتثبت نفسك فيها هتخشها وممكن تعمل فى رغبتين بس وممكن واحدة

يعنى انا مثلا كنت كاتب رغبة واحدة لانى مكنتش عايز اخش اى تخصص تانى غيره وهنا عملت انترفيو واحدة والحمد لله ركزت فيها ونجحت ودخلتها

فنصيحتى ليك انك تختار التخصص اللى بتميل ليه وبتحبه وتركز فيه ومتشتتش نفسك



بعد كدة النتيجة بتظهر على موقع الاى تى اى www.iti.gov.eg

على اوائل شهر 9



وبعدها الدراسة بتبدأ على حوالى نص شهر 9
--
Thanks & Best Regards

Dr.Khaled ElSaadany
Executive Director of Grants & Innovation & Technology Transfer Center
Coordinator of European projects
Alexandria University
Tel: 0101717303
Fax: 002-03-5931714
website: http://www.gittc-alexu.org/



م ن ق و ل